Byddwch yn barod i glywed Aled Jones fel nad ydych chi erioed wedi'i glywed o o'r blaen...

Fo oedd y soprano bach swynodd y byd gyda'i lais angylaidd. Gan werthu mwy na saith miliwn o albymau, mae Aled wedi hawlio ei le fel seren fawr yn y byd clasurol. Fe wnaeth ei recordiad o Walking in the Air, o'r ffilm animeiddiedig The Snowman, ei sefydlu yn enw cyfarwydd ac mae wedi dod yn rhan annatod o ddathliadau'r genedl.

Yr un mor gartrefol ar y llwyfan clasurol ag y mae’n serennu mewn cynyrchiadau theatr gerdd yn y West End yn Llundain, mae gwaith Aled yn cynnwys y prif rannau yn Joseph and the Amazing Technicolour Dreamcoat, Chitty Chitty Bang Bang a Irving Berlin’s White Christmas.

Nawr, ar ôl 40 mlynedd yn y busnes, mae’n edrych yn ôl ar yrfa ryfeddol gyda sioe un dyn, a fydd yn cynnwys cerddoriaeth na fyddwch chi wedi’i chlywed erioed o’r blaen, hanesion o’r degawdau ac, am y tro cyntaf, ei stori’n cael ei hadrodd yn ei eiriau ei hun.

Bydd y cylch yn gyflawn yn Full Circle.

Tocynnau ar werth 22 Medi, 10am