Un o grwpiau soul / disgo mwyaf llwyddiannus eu cyfnod!
Daeth oes aur y grŵp lleisiol nodedig, Odyssey i benllanw yn y 1980au cynnar pan ddaethant i frig y siartiau gydag “Use It Up And Wear It Out”, gan sicrhau lle sawl gwaith wedyn yn y Deg Uchaf ym Mhrydain a ledled y byd.
Mae Steven Collazo yn parhau â gwaddol y teulu ac yn mynd â’i siwrnai, neu ei Odyssey, ymlaen ac ymhellach fel brand gydag amrywiaeth o gantorion talentog.
Mae’r daith yn parhau i’r 21ain ganrif ond hefyd yn cadw’n driw i’r sain glasurol wnaeth ODYSSEY yn enwog.
Gyda gwestai arbennig, yr artist recordio lwyddiannus, Romina Johnson
O'u halbwm cyntaf ddaeth eu sengl gyntaf i'r amlwg - “Native New Yorker”, llwyddiant rhyngwladol yn hwyr yn 1977. Yn ogystal, roedd mab hynaf Lillian, Steven Collazo, wedi dod yn rhan o Odyssey tu ôl i'r llenni, gan recordio fel lleisydd cefndir, cerddor sesiwn teithiol a chyfarwyddwr cerdd ar gyfer eu perfformiadau byw a'u teithiau. Ychydig flynyddoedd yn ddiweddarach, creodd y grŵp eu halbwm Hang Together. Roedd yn cynnwys Use It Up And Wear It Out, a saethodd i’r deg uchaf, ac wedyn If You’re Looking For A Way Out, Inside Out, a chlasur Lamont Dozier Going Back To My Roots, ymhlith eraill.
Gan berfformio ledled y DU, Ewrop a’r Dwyrain Canol drwy gydol yr 80au ac i mewn i’r 90au, parhaodd y siwrnai. Yn 1994, symudodd Steven i fod yn flaenydd y grŵp ar y cyd, a chynhyrchu fersiynau newydd o glasuron yr Odyssey ac ymddangos gyda Lillian ar y teledu, gan fynd ar daith o amgylch arenâu, gwestai gorau, clybiau, cyrchfannau gwyliau mawr a gwyliau ledled y DU ac Ewrop.
Bu farw sylfaenydd a llais cyntaf Odyssey, Lillian Lopez-Collazo Jackson, o ganser ar Fedi 4ydd, 2012. Bu farw Louise Lopez o achosion naturiol ar Ionawr 28ain, 2015.




