Byddwch yn barod am noson drydanol o gerddoriaeth wrth i Too Much Too Young™ – The Music of 2Tone & Beyond fynd â chi ar siwrnai ddwy awr llawn egni drwy’r sain chwedlonol a siapiodd genhedlaeth.

Mae’r profiad byw gwefreiddiol yma’n archwilio genedigaeth ska yn Jamaica ac yn dilyn ei gynnydd ffrwydrol drwy adfywiad 2Tone Prydeinig y 70au a’r 80au. Gan ddathlu’r gerddoriaeth arloesol a’r artistiaid eiconig a wnaeth ska yn ffenomen fyd-eang, mae’r sioe yma wedi cael ei disgrifio fel un “sydd raid i bawb sy’n hoff o ska ei gweld”, gan ennill adolygiadau pum seren gan feirniaid a chynulleidfaoedd fel ei gilydd.

Mae’r cynhyrchiad yma’n wledd i’r synhwyrau, gan gynnwys band byw pwerus o 9 aelod, sy’n cynnwys aelodau teithiol a recordio gwreiddiol o rai o’r grwpiau ska mwyaf. Gydag arddangosfeydd fideo digidol trawiadol, offerynnau gwreiddiol, dillad sy’n diffinio oes, a set ddeinamig, mae’r sioe yn dal gwir ysbryd y cyfnod.

Gallwch ddisgwyl set fythgofiadwy yn llawn caneuon eiconig gan Madness, The Specials, The Beat, Bad Manners, The Selecter, The Bodysnatchers a mwy!

Os ydych chi wedi bod yn gefnogwr ska ers blynyddoedd neu'n darganfod ei hud am y tro cyntaf, bydd y siwrnai llawn atgofion yma drwy'r 70au a'r 80au yn eich cadw chi ar eich traed o'r dechrau i'r diwedd.